Cantar de Mío Cid. Folio 43v

Todos son pagados delas vistas quantos que y son
Partir se quieren que entrada era la noch
El Rey alos yfantes alas manos les tomo
Metiolos en poder de myo çid el campeador
Evad aqui uuestros fijos quando uuestros yernos son
Oy de mas sabed que fer dellos campeador
Gradescolo Rey e prendo uuestro don
Dios que esta en çielo dem dent buen galardon

CV

Sobrel so cauallo bauieca myo çid salto daua
Aqui lo digo ante myo sennor el Rey alfonsso
Qui quiere yr comigo alas bodas o Reçebir mi
                                                                                don
Daquend vaya comigo cuedo quel aura pro
Yo uos pido merçed a uos Rey natural
Pues que casades mys fijas asi commo a uos plaz
Dad manero a qui las de quando uos las tomades
Non gelas dare yo con mi mano nin dend non se alabar-an
Respondio el Rey afe aqui albarfanez
Prendellas con uuestras manos e daldas alos
                                                                               yfantes
Assi commo yo las prendo daquent commo si fosse delant
Sed padrino dellos a tod el velar
Quando uos iuntaredes comigo quem digades la uer-dat
Dixo albarfanez sennor afe que me plaz
Tod esto es puesto sabed en grant Recabdo

CVI

Hya Rey don alfonsso sennor tan ondrado