CANTIGA CCXCIX

Como Santa Maria vo en vision a un freire e mandou-lle que désse a ssa omagen que tragia a un rey.

De muitas maneiras Santa Maria
mercees faz aos que por seus ten.

Dest' un miragre mostrar-vos querria,
e de mio oyrdes vos rogaria
de bõa ment, e per el vos faria
saber servir a comprida de ben.
De muitas maneiras Santa Maria
mercees faz aos que por seus ten.

Est' avo a un rey que servia
esta Sennor quant' ele mais podia,
e en loa-la gran sabor prendia;
e direi-vos que ll' avo poren.
De muitas maneiras Santa Maria
mercees faz aos que por seus ten.

Un freire dos da Estrela tragia
a seu colo, en que muito criia,
ha omagen desta que nos guia,
d' almafi, que seu Fill en braços ten.
De muitas maneiras Santa Maria
mercees faz aos que por seus ten.

E ha noit' en seu leito jazia,
nen era ben esperto nen dormia;
viu a Madre de Deus que lle dizia:
«Essa omagen non tragas per ren
De muitas maneiras Santa Maria
mercees faz aos que por seus ten.

Que trages, ca fazes y gran folia
ena trager assi; mais vai ta via
al Rei e dá-lla, ca me prazeria
se lla désses, e farias bon sen».
De muitas maneiras Santa Maria
mercees faz aos que por seus ten.

Quand' esto ll' ouve dito, logo ss' ia;
e o freir' a outros freires dizia
est', e cada u deles respondia:
«Aquest' é son[n]o que non vai nen ven».
De muitas maneiras Santa Maria
mercees faz aos que por seus ten.

E o freire, quand' aquesto oya,
de a non dar al Rei fillou perfia;
mas depois ben tres vegadas vii' a
que lle diss' assi en mui gran desden:
De muitas maneiras Santa Maria
mercees faz aos que por seus ten.

«E como fillaste tal ousadia
de non dar o que te mandad' avia
que désses al Rei, e gracir-cho-ya?
Mas dá-lla; se non, mal te verrá en».
De muitas maneiras Santa Maria
mercees faz aos que por seus ten.

O freire log' ante de tercer dia
a seu maestr' aquesto descobria,
que lle respos: «Fezestes bavequia
eno tardar, e a vos non conven
De muitas maneiras Santa Maria
mercees faz aos que por seus ten.

Tal omagen, mas al Rei converria.
E por aquesto vos conssellaria
que lla dessedes, ca el saberia
onrra-la muit'; e vos buscad' alguen
De muitas maneiras Santa Maria
mercees faz aos que por seus ten.

Que vaa vosqu'». E ele logo s' ya,
e achou el Rei que missa oya,
e deu-ll' a omagen, que alegria
ouve con ela grande veramen.
De muitas maneiras Santa Maria
mercees faz aos que por seus ten.

E conas mãos ambas a ergia,
e graças por aquesto lle rendia
e o [seu] santo nome beizia,
dizendo: «Beita sejas, amen».
De muitas maneiras Santa Maria
mercees faz aos que por seus ten.